- A Xunta destina este ano un orzamento de 4,8 millóns de euros para os obradorios duais e os de formación para o emprego de persoas mozas da área territorial de Vigo
A delegada territorial da Xunta en Vigo, Marta Fernández-Tapias, visitou hoxe ao alumnado que desde o pasado mes de novembro se forma no obradoiro forestal organizado pola Mancomunidade de Montes de Vigo co financiamento da Xunta.
Neste contexto a representante autonómica destacou a dobre dimensión dos programas formativos activados pola Consellería de Emprego e Igualdade, e nomeadamente dos obradoiros duais, cun alto nivel de inserción laboral de preto del 60% e “unha pegada tanxible na propia contorna”. “Experiencias formativas que teñen en conta a realidade social e económica de Galicia, adaptándose á demanda das empresas da contorna”, dixo, ao tempo no que salientou a simbioses entre formación e emprego como fórmula de éxito.
Concretamente neste obradoiro fórmanse 15 desempregados e desempregadas en tarefas de roza, repoboacións e infraestruturas forestais, recolección de froitos e sementes, tratamentos silvícolas e control de pragas e enfermidades. A achega da Xunta é de 208.167,60 euros e as actividades realízanse nos montes de Beade, Bembrive, Comesaña, Coruxo, Matamá, Saiáns e Valadares.
Neste contexto, Fernández-Tapias recordou que o Goberno galego destina este ano un orzamento de 4,8 millóns de euros ao financiamento de nove obradoiros duais de emprego en 11 concellos da área territorial de Vigo, que suporán a contratación de 172 persoas; e de 5 talleres de emprego para persoas mozas, que formarán e darán opción a traballar a 80 menores de 30 anos. colaborando coas entidades locais galegas para incrementar o emprego nos concellos.
Fernández-Tapias incidiu no obxectivo fixado de incrementar as oportunidades laborais dos galegos e galegas e mellorar a empregabilidade dos participantes ofrecéndolles unha formación para o emprego teórica e práctica de calidade da man de expertos, ao tempo no que se desenvolven actuacións de mellora en espazos públicos e prestación de servizos de interese xeral e social.
Os obradoiros duais son o Coidando Miñor, que Gondomar comparte con Nigrán e Baiona; o taller Sustentable que promoven Salceda de Caselas e Salvaterra de Miño; o Granxa da Rúa de Cangas; o Labora V de Moaña; a segunda edición do Redondela Máis que Bela; o obradoiro Porriño Labora; a nova convocatoria do Vigo Capacita; o Somos Mos; e o obradoiro forestal nos montes vigueses a cargo da Mancomunidade.
Tal que como lembrou a delegada territorial, estes obradoiros duais súmanse aos cinco para persoas mozas nos concellos de Vigo (2), Redondela, Moaña e o Val Miñor, aos que o Executivo autonómico destina 1,8 millóns de euros na área territorial. Os participantes, ademais de recibir formación de calidade, contarán cun contrato de traballo de 12 meses de duración.
