Vigo, Galicia
General Portada

Pardo dice que las ponencias del 17º Congreso “son la clave de bóveda sobre las que debe pivotar el ideario del PPdeG”

Destaca que os relatorios buscarán defender o modelo de baixada de impostos e defensa dos sectores industriais e produtivos, adaptar os servizos públicos ao contexto post-covid e incrementar as vías de participación co partido





A presidenta da Comisión Organizadora do 17º Conclave do PPdeG, Pepa Pardo, asegurou que as ponencias que serán debatidas no Congreso serán a “clave de bóveda sobre a que pivotará o ideario do partido”, pretendendo que sexan un nexo entre o programa electoral que presentaron os populares aos cidadáns nas Eleccións Autonómicas de 2020 -que foi aprobado de forma maioritaria- e o que deberán elaborar dentro de tres anos.

Logo dunha xuntanza do Comité Organizador cos relatores das ponencias, apuntou que, para este labor, o partido escolleu a 12 persoas que estarán en disposición de entregar o seu traballo en dúas semanas e poñelo a disposición da militancia, incidindo en que os relatorios atenderán ás necesidades de Galicia.

Sobre as temáticas dos relatorios, remarcou que a que leva por nome Os retos dunha Galicia que quere máis emprego e menos impostos, e cuxos relatores son Borja Verea, María Ramallo, Marta Nóvoa e Antonio Ameijide, estará baseada no modelo do PP de baixada de impostos para poñer disposición dos cidadáns unha maior capacidade económica. Ademais, centrarase na defensa dos sectores produtivos e industriais fronte a un Goberno de España que complica cada vez máis o futuro da industria da Comunidade; e tamén será un reflexo da aposta polo medio rural, a agricultura, a gandaría e a pesca.

No tocante a Servizos públicos de calidade para unha sociedade plural e acolledora, explicou que esta ponencia, da que se encargarán Marta Fernández-Tapias, Martina Aneiros, César Fernández e Cristina Abades,

poñerá en valor os servizos públicos de gran calidade da nosa Autonomía, que foron avalados durante a xestión da pandemia -non só a Sanidade senón tamén o noso Sistema Educativo-, e manifestou que deberán ser adaptados agora ao contexto post-covid ao que hai que dar resposta.

Por último, referiuse ao relatorio Un partido aberto, accesible e participativo, cuxos poñentes son Paula Prado, Katy Varela, José López Campos e Marisol Díaz, e sinalou que os populares buscarán seguir mellorando día a día e incrementando aínda máis as vías de participación entre os afiliados e a organización.

Deja una respuesta