A Comisión Federal de Listas do PSOE deu hoxe o visto bo ás oito candidaturas do PSdeG ao Congreso e ao Senado para as eleccións xerais do 29 de novembro, que mañá ratificará o Comité Federal.
Cinco das oito listas estarán encabezadas por mulleres. Obdulia Taboadela, Patricia Otero e Carmen Rodríguez Dacosta abrirán as candidaturas ao Congreso pola Coruña, Lugo e Ourense, e Abel Losada a de Pontevedra. No Senado, María Fernández Ojea e Carmela Silva irán de número un por Ourense e Pontevedra, e Gumersindo Guinarte e César Mogo pola Coruña e Lugo.
As candidaturas suman 88 persoas entre titulares e suplentes, 44 mulleres e 44 homes.
