Vigo, Galicia
Política

Alfonso Rueda asume la candidatura a la Presidencia de la Xunta con responsabilidad y con la ilusión por trabajar por el futuro de Galicia: “Me comprometo a ser el presidente de todos los gallegos”

“Teño aínda moitas máis ganas de asumir esta responsabilidade logo da confianza obtida nas eleccións do 18 de febreiro e, se obteño o apoio do Parlamento, ofrezo a cambio todo o meu traballo en beneficio tanto das persoas que nos votaron como das que non”, explica

Comprométese a dar cumprimento ao programa electoral co que concorreu ás eleccións “con responsabilidade, con sentidiño, con man tendida e co convencemento de que Galicia, especialmente nestes momentos tan convulsos a nivel nacional, ten moito que dicir”

O presidente do PPdeG, Alfonso Rueda, recibiu hoxe a proposta do presidente do Parlamento de Galicia para presentarse como candidato á Presidencia da Xunta de Galicia asegurando que asume este encargo con responsabilidade e ilusión: “Comprométome a ser o presidente de todos os galegos e a traballar polas moitas oportunidades que Galicia ten por diante”.

En declaracións aos medios de comunicación logo de reunirse con Miguel Santalices, o líder dos populares galegos admitiu a responsabilidade que supón para el “aspirar ao máximo ao que se pode aspirar na vida política” e afirmou contar coa ilusión “que o cargo require para facelo ben”.

“Teño aínda moitas máis ganas de asumir esta responsabilidade logo da confianza obtida nas eleccións do 18 de febreiro e, se obteño o apoio do Parlamento, ofrezo a cambio todo o meu traballo en beneficio tanto das persoas que nos votaron como das que non”, explicou.

Comprometeuse así mesmo a dar cumprimento ao programa electoral co que concorreu ás eleccións “con responsabilidade, con sentidiño, con man tendida e co convencemento de que Galicia, especialmente nestes momentos tan convulsos a nivel nacional, ten moito que dicir”.

“Temos moitas reivindicacións, moitas cousas por conseguir e temos claro tamén que non queremos ser máis que ninguén. Por iso traballarei desde o primeiro momento para non ser tampouco menos que ninguén e que non se nos prive daquilo que merecemos”, engadiu.

Alfonso Rueda subliñou que Galicia ten “moito que dicir” no contexto nacional e moitas oportunidades por diante polas que hai que loitar. “Ese foi o meu compromiso cando me presentei ás eleccións e ese é o compromiso que quero cumprir como presidente da Xunta de Galicia”, concluíu neste sentido.

Deja una respuesta