Tras casi tres días de silencio el Concello de Vigo se «lava las manos» y dice que el Saltamontes accidentado no tenía autorización municipal

Con respecto ao tráxico suceso acaecido esta fin de semana
en Matamá onde un xove perdeu a vida, o Concello de Vigo quere puntualizar cal é o
procedemento administrativo seguido en base aos seguintes puntos:
1.- A Asociación Irmandade de Nosa Señora das Neves de Matamá solicita a ocupación
temporal do viario público, con motivo das festas populares de Matamá.
2.- A ocupación temporal da vía pública para a celebración deste evento está suxeito ao
control e autorización previa municipal.
3.- O Concello de Vigo rexistra cada unha das atraccións xerando un expediente particular
para cada unha delas. Neste expediente, o titular debe aportar o proxecto técnico da
atracción, manual de funcionamento e libro de operacións.
Pola súa parte, a Comisión de Festas presenta declaración responsable, firmada polo titular
da atracción, onde se designa a un técnico- enxeñeiro que certifica a instalación.
A autorización de ocupación de vía pública será concedida unha vez que a documentación
estea correcta e a declaración responsable entregada.
4.- No caso concreto do Saltamontes de Matamá, este Concello trasladoulle ao titular desta
atracción varios requirimentos coa documentación que tiña sen aportar. Ao mesmo tempo,
envioulle á comisión de Festas a resolución onde se indicaba que “a documentación resulta
incompleta para o exercicio de actividade polo que se declara comunicación non conforme”.
Tanto o titular da atracción como a Comisión de Festas tiveron notificación escrita da falta de
autorización por non atender os requirimentos de documentación.