Vigo, Galicia
Cultura Galicia Vigo

La Xunta y el Xacobeo traen a Vigo el espectacular tour del artista C. Tangana tras el éxito del festival latitudes

O cantante madrileño, con ascendencia viguesa e confeso seguidor do Celta, actuará este martes (22:00 horas) no peirao de Transatlánticos

Utilizará o escenario do Festival Latitudes, no que triunfou Iggy Pop, para despregar o que xa foi cualificado como mellor espectáculo musical de España

“O Xacobeo está moi presente en Vigo con música de calidade e teremos a sorte de desfrutar dun espectáculo único”, sinalou a delegada Marta Fernández-Tapias

As entradas esgotáronse en menos de dúas horas e haberá un dispositivo de seguridade en toda a fronte portuaria

A programación musical do Xacobeo 21-22 continuará a vindeira fin de semana co Festival de Música Urbana no que actuarán Quevedo e Ajax y Prok

Os concertos do Xacobeo 21-22 traerá este martes Vigo a artista C. Tangana co seu espectacular tour 2022. Será o escenario do peirao de Transatlánticos, mesmo lugar no que rematou este sábado o exitoso Festiva Latitudes, o que acolla a loada posta en escena do cantante madrileño de ascendencia galega e confeso seguidor do Celta.

C. Tangana chegará a Vigo dentro da súa xira por España e antes de dar o salto o vindeiro mes de novembro a Latinoamérica. Tras actuar o pasado 18 de agosto en Benidorm (Festival Bombastic) e pasar este martes pola cidade olívica, estará en Pamplona (3 de setembro), Ávila (10 de setembro) e Sevilla (17 de setembro). Posteriormente, ofrecerá concertos en México, Colombia e Arxentina.

O seu espectáculo musical xa foi cualificado o pasado ano 2021 como o mellor de España e conta cun centenar de persoas para a montaxe. Ademais, nas súas actuacións participan preto de 40 persoas entre músicos e bailaríns. “Xa dixemos que o Xacobeo estará moi presente en Vigo con música de calidade e este martes teremos a sorte de desfrutar dun espectáculo único en España”, sinalou a delegada territorial da Xunta, Marta Fernández-Tapias.

As entradas para o concerto de C. Tangana en Vigo están esgotadas desde o primeiro día de venda, cando foron despachadas en menos de dúas horas pola produtora Esmerarte Industrias Creativas. En todo a fronte portuaria de Vigo haberá un dispositivo de seguridade no que participarán Policía Nacional, Policía Local, Guardia Civil, Bombeiros, Capitanía Marítima, Sociedad de Salvamento e Seguridad Marítima e Axencia Galega de Emerxencias.

Iggy Pop no Festival Latitudes

A pasada fin de semana celebrouse tamén no peirao de Transatlánticos o Festival Latitudes que devolveu os grandes concertos á cidade co apoio do Xacobeo 21-22. O evento ofreceu unha primeira xornada cos vigueses Zålomon Grass, o dúo galego Bala, os suecos Mando Diao e os irlandeses Two Door Cinema Club.

A lenda estadounidense Iggy Pop foi o prato forte do sábado, no peche dunha cita na que tamén triunfaron os británicos The Vaccines, os locais Aphonnic e os pontevedreses Furious Monkey House.

Festival de Música Urbana

Fernández-Tapias lembrou que no mesmo escenario celebrarase o vindeiro o sábado 27 de agosto o Festival de Música Urbana con Quevedo e Ajax e Prok. Ademais, indicou que a programación musical do Xacobeo tamén traerá á banda británica Muse (8 de setembro) ao Estadio de Balaídos.

Deja una respuesta