A delegada territorial, Marta Fernández-Tapias, e o artista galego asistiron hoxe á colocación da peza que lucirá na fachada do edificio administrativo na cidade
O edificio administrativo da Xunta de Galicia en Vigo luce desde hoxe unha obra de Raúl Velloso que simboliza a vinculación da cidade co Xacobeo. Así, a peza que colga desde este xoves da fachada da sede autonómica, e que foi inaugurada pola delegada territorial, Marta Fernández-Tapias, e o artista galego, fai un percorrido polas zonas máis emblemáticas da cidade culminando, coma o Camiño de Santiago, na Catedral compostelá.
A proposta permítenos contemplar edificios e monumentos de Vigo a través dun espello deformante, característica do paisaxismo caricaturizado de Velloso, con volumes expandidos e liñas onduladas.
