- A reforma permitirá xerar unha atmosfera diferenciada do ambiente clínico do hospital e máis confortable para os pacientes
- O prazo estimado de duración das obras é de 4 meses
- As empresas interesadas teñen de prazo ata o 2 de xullo para presentar as súas ofert
O Servizo Galego de Saúde vén de publicar no Portal de Contratos Públicos de Galicia a licitación, por importe de 160.930,65 euros, da reforma das salas de espera do hospital de día para os pacientes do servizo de Oncoloxía do Hospital Público Álvaro Cunqueiro de Vigo.
Os traballos consistirán no acondicionamento das actuais salas de espera, situadas na planta -1 do hospital vigués, mediante a substitución do mobiliario actual por outro máis confortable e con intervencións en paredes e teitos.
A finalidade deste proceso de humanización é xerar un ambiente máis agradable para os pacientes e familiares que pasan un longo tempo nestas estancias, mantendo o número de prazas e respectando as dimensións mínimas de accesibilidade e ergonomía.
A superficie total de intervención é de 270m² e o prazo previsto de duración das obras é de 4 meses.
As empresas interesadas no contrato teñen de prazo ata o 2 de xullo para presentar as súas ofertas.
