A fronte nacionalista pide aos populares que “deixen de xogar á confusión” coa ampliación da autovía, lembrando que non se opuxeron á aprobación provisional do novo Plan Xeral que valida o trazado e que non recibiu ningún reparo por parte da Xunta de Rueda
Xabier P. Igrexas: “É incomprensíbel que o PP pida retirar o proxecto ao tempo que demanda con entusiasmo un PXOM que impón estas graves afeccións en Bembrive”
O Bloque Nacionalista Galego afea a “impostura e oportunismo” do Partido Popular a respecto do proxecto de ampliación da autovía A-52. A fronte nacionalista pide aos populares que “deixen de xogar á confusión” coa nova autovía, lembrando que non se opuxeron á aprobación provisional do novo Plan Xeral que valida o trazado e que non recibiu ningún reparo por parte da Xunta de Rueda.
Así o afirmou este mércores o portavoz municipal do BNG de Vigo, Xabier P. Igrexas, criticando que o PP local asegure “coa boca pequena” que rexeita o proxecto da nova A-52 mentres cada semana urxe a aprobación definitiva do novo Plan Xeral. “Un PXOM do que nace o trazado da autovía que tronzará a parroquia de Bembrive, e que coa súa conexión en Baruxáns vai ser tamén condición de posibilidade para outro macrovial innecesario como o PO-010, cun impacto brutal en parroquias como Beade”, lembrou.
No mesmo sentido, Igrexas acusou o propio PP de dar o seu visto bo a estes proxectos dende a Xunta de Galiza, ao non advertir ningún reparo nos informes emitidos pola Axencia Galega de Infraestruturas e pola Dirección Xeral de Urbanismo en relación ao novo PXOM de Vigo, que polo momento só contou co voto en contra do Bloque.
“Non é hora de xogos oportunistas nin de imposturas”, defendeu o portavoz municipal nacionalista. “O PP ten que aclarar a súa posición desde xa e confirmar se van votar a prol ou en contra da aprobación definitiva do novo Plan Xeral en caso de que se manteñan a A-52 e a PO-010”, demandou, subliñando que a coherencia en política é un requisito imprescindíbel.
El portavoz municipal del PP replica al bng de Vigo que sólo rechazan «este trazado» de la A52 pero no aclara su posición sobre el PXOM de Vigo
