Vigo, Galicia
General Portada

Ecoloxistas en Acción demanda ao servizo de Parques e Xardíns do Concello de Vigo unha actuación urxente para preservar a emblemática Melaleuca dañada polo temporal na súa ubicación actual.

A organización ecoloxistas viguesa propón que se acometan de inmediato todos os traballos necesarios para salvar unha das árbores más queridas e representativas da flora do parque do Castro de Vigo.

Na entrada á fortaleza do parque do Castro de Vigo, medra unha Melaleuca da especie Melaleuca armillaris, tamén coñecida como “Brazalete”. Esta árbore singular se caracteriza por ter un tronco curvado e tumbado no chan e serve de escenario fotográfico e de xogos para moitas cidadáns e turistas.

As fortes rachas de vento do temporal Karim tiraron parcialmente a árbore. Levantaron o exemplar rompendo parte das raíces. Outras árbores sufiron estragos na ramaxe e varios exemplares chegaron a desplomarse.

Trás a observación e valoración do estado da melaleuca, o Área de Biodiversdade urbana de Ecoloxistas en Acción estima que é posible restablecer a árbore devolvendo o tronco á súa posición mediante apoio físico e replantando as raíces.

Unha acción urxente evitaría a morte da árbore, preservando así este exemplar tan valorado polas viguesas e vigueses.

Photo 2021 02 21 18 38 11

Deja una respuesta