Salvamento Marítimo coordinou na tarde deste xoves un operativo para auxiliar un pesqueiro con seis tripulantes a bordo que quedara sen goberno na zona da costa da Vela, na boca norte da ría de Vigo.
O aviso chegou ao 112 Galicia contra as 19:45 horas, a través do propio persoal de Salvamento, que solicitou a colaboración do Servizo de Gardacostas de Galicia, dependente da Consellería do Mar.
Ata o punto desprazáronse o remolcador María Pita, de Salvamento Marítimo, e unha embarcación pertencente ao Servizo de Gardacostas. Finalmente, o María Pita asumiu as tarefas de remolque e leva o pesqueiro ao porto do Berbés, en Vigo.
Desde o 112 Galicia informouse á Garda CIvil, á Policía Local e a Protección Civil de Cangas por se resultase necesaria a súa intervención.
