A veciñanza participou esta mañá no acto convocado pola Asociación Veciñal de Teis e as Anpas de Teis, diante do antigo edificio do ambulatorio de Teis, para conmemorar o día do libro.
Neste acto tamén reivindicouse a construción da biblioteca con libros en Teis anunciada por Abel Caballero, Alcalde de Vigo, desde hai 9 anos.
No acto distribuíuse libros de balde entre a veciñanza para fomentar o uso da lectura entre a veciñanza de Teis e tivemos unha torta cunha candea para lembrar os 9 anos da anunciada biblioteca por parte de Abel Caballero.
Desde Asociación e as Anpas, levamos anos reivindicando que Teis necesita unha biblioteca, no edificio que ocupaba o antigo centro de saúde na rúa Enrique Lorenzo, pechado desde o ano 2000, cunha superficie de 1000 metros cadrados, se destinase para biblioteca entre outros usos dotacionais.
Defendemos que neste edificio acolla unha biblioteca, ludoteca e local xuvenil. Queremos que este edificio conte con libros, e non se limite a unha simple sala de lectura, como figura na documentación do Concello de Vigo.
O goberno municipal leva anos anunciando a remodelación deste edificio, o último anuncio é que as obras comezarían en 2021 para estar en funcionamento en 2022, pero a día de hoxe aínda non comezaron as obras e non coñecemos cal é o proxecto para este edificio.
